Dəvət

Salamlama mesajı

Əziz dostlar və həmkarlar,

Bildiyiniz kimi 2018-ci ildə təşkil etdiyimiz 1-ci Bakı Rinoplastika Günləri Azərbaycanda rinoplastika üzrə ilk beynəlxalq konfrans oldu. Pandemiya səbəbindən 2–ci konqresimiz təxirə salınsa da, sizi 4-6 oktyabr 2024-cü il tarixlərində Bakıda keçiriləcək 2-ci Bakı Rinoplastika Günlərində iştirak etməyə dəvət etməkdən məmnunluq duyuruq. Bu konqres həm də ona görə vacibdir ki, Azərbaycan Rinoplastika Cərrahları Cəmiyyətinin təşkilatçılığı ilə 2024-cü təşkil ediləcək ilk beynəlxalq tədbirdir.

Regionda burun problemi aktual olduğu üçün rinoplastika ən çox icra olunan estetik əməliyyatlardandır. Azərbaycanda hər gün yüzlərlə rinoplastika əməliyyatı icra olunur.Məqsədimiz, rinoplastika sahəsindəki son tendensiyaları və texnologiyaları araşdırmaq və müzakirə etmək üçün regionun və dünyanın ən məşhur üz plastik cərrahlarını bir araya gətirməkdir.

Bakı Azərbaycanın paytaxtı, Qafqazın ən böyük və dünyanın ən gözəl şəhərlərindən biridir. Bakıda Siz müxtəlif dövrlərin və mədəniyyətlərin qaynaşmasını hiss edə və müxtəlif beynəlxalq memarlıq məktəblərinin abidələri ilə tanış ola bilərsiniz. Bakı öz təhlükəsizliyi, gözəlliyi, tarixi binaları və ləzzətli mətbəxi sayəsində çoxlu turistləri cəlb edən şəhərlərdən biridir.

Görüşün rəsmi dili İngilis dili olacaq. Azərbaycan dilinə sinxron tərcümə təmin ediləcək. Sizi 2024-cü ilin oktyabr ayında Bakıda salamlamağı səbirsizliklə gözləyirik.

Hörmətlə,

Sədr
Dosent. Dr. Cavid Cabbarzadə
Azərbaycan Rinoplastika Cərrahları Cəmiyyətinin prezidenti